Welkom by SA Taalbond

Die SA Taalbond is ‘n organisasie wat sedert 1953 jaarliks ‘n tweetaligeheidseksamen (Afrikaans en Engels) aanbied vir leerders in die hoërskool.

Dit is die enigste geleentheid vir leerders om hulle tweetaligheid te bepaal en ‘n sertifikaat te verwerf wat hul tweetaligheid aandui.

AAN ALLE VRIENDE VAN DIE TAALBOND
Statistiek oor deelname aan die Taalbond
Ons het onlangs gehoor van iemand wat in die laat 1930’s ‘n Sertifikaat verwerf het in die Taalbondeksamen vir ‘n eerste plek in die Unie.
Kan almal wat lank gelede die eksamen geskryf het asseblief hulle besonderhede vir ons stuur. Ons statistiek begin 1960.
Stuur aan Thea: theal@mweb.co.za

Geldelike bydrae
Soos baie organisasies maar ervaar, is finansies ‘n probleem. So ver kan die Taalbond nog die eksamen vanjaar en volgende jaar aanbied, maar ekstra geld is nodig om die eksamen se voortbestaan te waarborg. Die leerders en onderwysers is positief, maar die onkoste is baie hoog.
As daar dalk mense is wat positief voel oor die Taalbond en ‘n geldelike bydrae kan en wil lewer, gee ek die Taalbond se bankbesonderhede.
Enige skenking sal verwelkom word en erken word.
Rekeningnommer: 4056655411
Taknommer: 334410
Rekeningnaam: SA Taalbond

Thea Langenhoven
theal@mweb.co.za
081 568 0258

Pryse aan wenners
Die Universiteit van Stellenbosch gee aan die senior wenner ‘n bydrae tot studie aan die Universiteit van Stellenbosch van R10,000
Die Akademie van Wetenskap en Kuns gee R6000 vir die eerste en tweede plek, senior en junior.
Baie dankie aan bogenoemde instansies.

SA Taalbond Toppresteerders 2017
Baie geluk aan ons toppresteerders vir 2017. Hier volg ‘n volledige naamlys en laer af is foto’s van ons Senior en Junior wenners.

Laai Af Toppresteereder-2017.pdf (78KB)

WENNER – SENIORS 2017

SUNA SWANEPOELSuna Swanepoel is 'n graad 12 leerder van die Hoërskool Stella.  Sy is die skool se hoofdogter asook die koshuishoofdogter. Sy presteer uitstekend op alle gebiede.  Sy is kaptein van die eerste netbalspan en neem ook op nasionale vlak aan Tweekamp deel.  Suna is 'n redenaar van formaat en het in 2016 selfs aan die Nasionale finaal van die ATKV-redenaarskompetisie gaan deelneem. Al neem sy agt Akademiese vakke spog sy steeds met 'n gemiddeld van 94%.  Sy is ook 'n kreatiewe kunstenaar wat kan teken en skilder. Jaarliks betower sy ons ook met haar ongelooflike skryfstukke en het die operette vir die skool se eeufees van 2018 ook geskryf. In die jaar 2018 beoog sy om medies of argitektuur te gaan studeer.  Ons as skool is voorwaar trots op haar.

SUNA SWANEPOEL
Suna Swanepoel is ‘n graad 12 leerder van die Hoërskool Stella.
Sy is die skool se hoofdogter asook die koshuishoofdogter. Sy presteer uitstekend op alle gebiede.
Sy is kaptein van die eerste netbalspan en neem ook op nasionale vlak aan Tweekamp deel.
Suna is ‘n redenaar van formaat en het in 2016 selfs aan die Nasionale finaal van die ATKV-redenaarskompetisie gaan deelneem.
Al neem sy agt Akademiese vakke spog sy steeds met ‘n gemiddeld van 94%.
Sy is ook ‘n kreatiewe kunstenaar wat kan teken en skilder. Jaarliks betower sy ons ook met haar ongelooflike skryfstukke en het die operette vir die skool se eeufees van 2018 ook geskryf.
In die jaar 2018 beoog sy om medies of argitektuur te gaan studeer.
Ons as skool is voorwaar trots op haar.

WENNER – JUNIORS 2017

Ila Alberts

ILA ALBERTS
Ila Alberts is in graad 9 aan die Hoërskool DF Malan. Sy beklee eerste plek in die Taalbond eksamen se junior afdeling. Afrikaans is haar passie, met spesifiek skryf as ’n gunstelingmedium tot uitdrukking. Debat is een van haar gunsteling tydverdrywe, Afrikaans sowel as Engels. Haar droom is om eendag as politieke joernalis geregtigheid in ons land te bevorder.

3DE PLEK- SENIORS 2017

JUANé CRONJéEk is tans in matriek en sien uit daarna om volgende jaar regte te gaan studeer. Een van my gunstelingstokperdjies is om te lees, maar ek geniet dit ook om die stad te verken en te gaan stap. Verder neem ek ook graag aan debat en redenaars deel en ek is passievol oor tale.

JUANé CRONJé
Ek is tans in matriek en sien uit daarna om volgende jaar regte te gaan studeer. Een van my gunstelingstokperdjies is om te lees, maar ek geniet dit ook om die stad te verken en te gaan stap. Verder neem ek ook graag aan debat en redenaars deel en ek is passievol oor tale.